December 5, 2020

ಕರಾವಳಿ

ತುಳುವ ಸಿರಿ(ರಿ)ಕುಡ್ಲ ಇವರಿಂದ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಸೀತಾರಾಮ ಬಂಗೇರ ಮತ್ತು ಸೇಸಪ್ಪ ಟೈಲರ್ ಇವರಿಗೆ ಅಭಿನಂದನೆ

ಮಂಗಳೂರು(1ನ/2020): ತುಳುವ ಸಿರಿ(ರಿ)ಕುಡ್ಲ ಇವರಿಂದ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಸೀತಾರಾಮ ಬಂಗೇರ ಮತ್ತು ಸೇಸಪ್ಪ ಟೈಲರ್ ಇವರಿಗೆ ಅಭಿನಂದನೆ ಸಲ್ಲಿಸಲಾಯಿತು.
ತುಳುವ ಸಿರಿ ಕುಡ್ಲದ ಅಧ್ಯಕ್ಷರಾದ ಕೆ.ರವೀಂದ್ರ ಶೆಟ್ಟಿ ಉಳಿದೊಟ್ಟು ,ಉಪಾಧ್ಯಕ್ಷರಾದ ಪ್ರಕಾಶ್ ಸಿಂಪೋಣಿ,ಪ್ರದಾನ ಕಾರ್ಯದರ್ಶಿ ಪ್ರವೀಣ್ ಬಸ್ತಿ,ಕಾರ್ಯದರ್ಶಿಗಳಾದ ಜೀವನ್ ಕುಮಾರ್ ತೊಕ್ಕೊಟ್ಟು,ಪದಾಧಿಕಾರಿಗಳಾದ ಸತೀಶ್ ದೀಪಂ,ಕಿಶೋರ್ ಮುನ್ನೂರು,ವಕೀಲರಾದ ಮಹಮ್ಮದ್ ಅಸ್ಗರ್ ,ಮುಖಂಡರಾದ ಸುರೇಶ್ ಶೆಟ್ಟಿ ಅಂಬ್ಲಮೊಗರು,ನಿರ್ಮಲ್ ಭಟ್ ,ಸತೀಶ್ ಪಜೀರು,ಗಣೇಶ್ ಪಜೀರು,ರವೀಂದ್ರ ಭಂಡಾರಿ ಮೊದಲಾದವರು ಉಪಸ್ಥಿತರಿದ್ದರು.

ಮಂಗಳೂರು: ಹೊಟೇಲಿನಲ್ಲಿ ಗುಂಡು ಹಾರಾಟ

ಮಂಗಳೂರು(30ಅ/2020): ಮಂಗಳೂರಿನ ಫಳ್ನೀರ್ ಬಳಿ ಯುವಕರಿಂದ ಗುಂಡಿನ ದಾಳಿ ಆಗಿರುತ್ತದೆ.
ಎಂ.ಎಫ್.ಸಿ ಹೊಟೇಲ್ ಸಿಬ್ಬಂದಿ ಮೇಲೆ ಗುಂಡು ಹಾರಿಸಿದ ಅಪರಿಚಿತರ ತಂಡದ ಇಬ್ಬರ ಬಂದನ.
ಫಳ್ನೀರ್ ಬಳಿಯ ಎಂ.ಎಫ್.ಸಿ ಹೊಟೇಲ್ ಮತ್ತು ಫ್ರೆಶ್ ಮಾರ್ಟ್ ಬಳಿ ನಡೆದ ದಾಳಿ,ಸಿದ್ದಿಕ್ ಎಂಬವರಿಗೆ ಸೇರಿದ ಎಂಎಫ್ ಸಿ ಹೋಟೇಲ್,ಹೊಟೇಲ್ ನಲ್ಲಿ ಸಮೂಸ ಕೇಳಲು ಬಂದು ಗಲಾಟೆ ಮಾಡಿದ ನಾಲ್ವರ ತಂಡ,ಈ ವೇಳೆ ಹೊಟೇಲಿಗೆ ದಾಳಿ ಮಾಡಿ ಇಬ್ಬರು ಸಿಬ್ಬಂದಿಗೆ ಮಾರಣಾಂತಿಕ ಹಲ್ಲೆ,ಹೊಟೇಲಿನ ಗಾಜು, ಪೀಠೋಪಕರಣ ಧ್ವಂಸಗೈದು ಪರಾರಿ ಯತ್ನ
ಈ ವೇಳೆ ಅವರನ್ನು ಹಿಡಿಯಲು ಯತ್ನಿಸಿದ ಹೊಟೇಲ್ ಸಿಬ್ಬಂದಿ ಮೇಲೆ ಎರಡು ಸುತ್ತು ಗುಂಡು ಹಾರಾಟ.
ಒಂದು ಗುಂಡು ತಗುಲಿ ಹೊಟೇಲ್ನ ಓರ್ವ ಸಿಬ್ಬಂದಿಗೆ ಗಾಯವಾಗಿರುತ್ತದೆ.
ಗುಂಡು ಹಾರಿಸಿ ಪರಾರಿಯಾಗಲೆತ್ನಿಸಿದ ಇಬ್ಬರನ್ನು ಹಿಡಿದ ಸ್ಥಳೀಯರು.ಇನ್ನಿಬ್ಬರು ಆಟೋ ರಿಕ್ಷಾ ಹತ್ತಿ ಸ್ಥಳದಿಂದ ಪರಾರಿ ಆಗಿರುತ್ತಾರೆ.
ಪೂರ್ವದ್ವೇಷದ ಹಿನ್ನೆಲೆ ಉದ್ದೇಶಪೂರ್ವಕವಾಗಿ ದಾಳಿ ಶಂಕೆ ವ್ಯಕ್ತಪಡಿಸಿದ್ದಾರೆ.
ಕದ್ರಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದ ಪ್ರಕರಣ.

ತೊಕ್ಕೊಟ್ಟು: ಬೀಕರ ಅಪಘಾತ ದಂಪತಿ ಸಾವು

ಉಳ್ಳಾಲ(ಅ27/2020): ತೊಕ್ಕೊಟ್ಟು ಓವರ್ ಬ್ರಿಡ್ಜ್ ಕೊನೆಯ ಉಳ್ಳಾಲ ತಿರುವಿನಲ್ಲಿ ಭೀಕರ ಅಪಘಾತ ಸಂಭವಿಸಿದ್ದು ಬೈಕಿನ ಮೇಲೆ ಕಂಟೇನರ್ ಲಾರಿ ಹರಿದಿದ್ದು ಬೈಕಿನಲ್ಲಿದ್ದ ದಂಪತಿ ದುರಂತ ಸಾವು ಕಂಡಿದ್ದಾರೆ. ಹಿಂಬದಿ ಸವಾರೆಯಾಗಿದ್ದ ಮಹಿಳೆ ಸ್ಥಳದಲ್ಲೇ ಮೃತಪಟ್ಟಿದ್ದರೆ, ಬೈಕ್ ಚಲಾಯಿಸುತ್ತಿದ್ದ ಯುವಕ ಚಿಂತಾಜನಕ ಸ್ಥಿತಿಯಲ್ಲಿ ಆಸ್ಪತ್ರೆಗೆ ಸಾಗಿಸುವಷ್ಟರಲ್ಲಿ ಮೃತಪಟ್ಟಿದ್ದಾರೆ. 
ಉಳ್ಳಾಲ ಬೈಲಿನ ನಿವಾಸಿಗಳಾದ ರಾಯನ್ ಫೆರ್ನಾಂಡಿಸ್ (37) ಮತ್ತು ಅವರ ಪತ್ನಿ ಪ್ರಿಯಾ ಫೆರ್ನಾಂಡಿಸ್ (32) ಬೈಕಿನಲ್ಲಿದ್ದವರೆಂದು ತಿಳಿದು ಬಂದಿದೆ. ಪ್ರಿಯಾ ಮಂಗಳೂರಿನ ಫಾದರ್ ಮುಲ್ಲರ್ ನಲ್ಲಿ ಉದ್ಯೋಗದಲ್ಲಿದ್ದು ಅವರನ್ನು ಅವರ ಪತಿ ಪಿಕ್ ಮಾಡಿ ಮನೆಗೆ ಬರುವಾಗ ಮೇಲ್ಸೇತುವೆ ಕೊನೆಯಲ್ಲಿ ಬೈಕ್ ಉಳ್ಳಾಲಕ್ಕೆ ತಿರುವು ಪಡೆಯುವಾಗ ಕಂಟೇನರ್ ಲಾರಿ ಇವರ ಮೇಲಿನಿಂದ ಹರಿದಿದೆ. ಮಹಿಳೆ ಸ್ಥಳದಲ್ಲೇ ಸಾವು ಕಂಡಿದ್ದಾರೆ.
ಮಂಗಳೂರು ದಕ್ಷಿಣ ಸಂಚಾರಿ ಠಾಣೆ ವ್ಯಾಪ್ತಿಯಲ್ಲಿ ಪ್ರಕರಣ ದಾಖಲಾಗಿದೆ.

ಧಾರ್ಮಿಕ ವಿಧಿ ವಿಧಾನಗಳು ಹಿಂದೂ ಧರ್ಮದ ಪ್ರಮುಖರಿಂದಲೇ ಆಗಬೇಕು: ಡಾ.ಭರತ್ ಶೆಟ್ಟಿ

ಗುರುಪುರ(25ಅ/2020): ಇತ್ತೀಚೆಗೆ ಸುಂಕದ ಕಟ್ಟೆ ದೇವಸ್ಥಾನಕ್ಕೆ ತಾನು ಹೋಗಿ ಪ್ರಸಾದ ಸ್ವೀಕರಿಸಿ ಬೇರೆ ಕೆಲಸದ ನಿಮಿತ್ತ ಬೇಗನೇ ನಿರ್ಗಮಿಸಿದ್ದೆ.ಇಲ್ಲಿ ಕಳಸ ಹಾಕುವ ಪ್ರಕ್ರಿಯೆ ಬಗ್ಗೆ ಮಾಹಿತಿ ಇರಲಿಲ್ಲ.
ಯಾವುದೇ ಧರ್ಮವಿರಲಿ ಯಾವುದೇ ಜಾತಿ ಪಂಗಡವಿರಲಿ ಯಾವುದೆ ಜಾತಿಯ ದೇವಸ್ಥಾನ,ಚರ್ಚ್,ಮಸೀದಿಗೆ ತೆರಳಿ ಪ್ರಾರ್ಥನೆ ಮಾಡಲು ಯಾವುದೇ ಅಡ್ಡಿ ಆಕ್ಷೇಗಳು ಇರಲಾರದು.
ಆದರೆ ಯಾವುದೇ ಧರ್ಮದ ಧಾರ್ಮಿಕ ವಿಧಿ ವಿಧಾನಗಳನ್ನು ಅಯಾ ಸಮಾಜದ ಅರ್ಚಕರು,ಮುಖಂಡರು ಮಾಡುವುದು ಸಂಪ್ರದಾಯ ಎಂದು
ಮಂಗಳೂರು ಉತ್ತರ ವಿಧಾನ ಸಭಾ ಕ್ಷೇತ್ರದ ಶಾಸಕ ಡಾ.ಭರತ್ ಶೆಟ್ಟಿ ವೈ ಪ್ರತಿಕ್ರಿಯಿಸಿದ್ದಾರೆ.
ಗ್ರಾಮಾಂತರ ಪ್ರದೇಶದಲ್ಲಿ ಶನಿವಾರ ಸುಮಾರು 9 ಕೋಟಿ ರೂ. ಮಿಕ್ಕಿ ಅಭಿವೃದ್ಧಿ ಕೆಲಸಗಳಿಗೆ ಚಾಲನೆ ನೀಡಿ ,ಸುದ್ದಿಗಾರರು ಪ್ರಶ್ನಿಸಿದಾಗ ಈ ಪ್ರತಿಕ್ರಿಯೆ ನೀಡಿದರು.
ನಮ್ಮ ಮುಜರಾಯಿ ಇಲಾಖೆಯಲ್ಲಿಯೇ ಸ್ಪಷ್ಟ ಉಲ್ಲೇಖವಿದೆ.ನಮ್ಮ ಧಾರ್ಮಿಕ ವಿಧಿ ವಿಧಾನಗಳು ಕ್ಷೇತ್ರದ ಅರ್ಚಕರಿಂದ ,ಹಿಂದೂ ಧರ್ಮದ ಪ್ರಮುಖರಿಂದ ನಡೆಯತಕ್ಕದ್ದು.
ಇತರ ಮತ,ಧರ್ಮಕ್ಕೆ ಹಿಂದೂ ಬಾಂಧವರು ತೆರಳಿ ಪ್ರಾರ್ಥನೆ ಮಾಡಬಹುದು.ಆದರೆ ಅವರ ಧರ್ಮದ ಆಚಾರ ನಡೆಸಲು ಸಾಧ್ಯವಿಲ್ಲ. ಸುಂಕದ ಕಟ್ಟೆ ದೇವಸ್ಥಾನದಲ್ಲಿ ಯಾವ ಕಾರಣಕ್ಕೆ ಇದನ್ನು ಅನ್ಯ ಧರ್ಮದವರಿಂದ ಮಾಡಿಸಿದರು ಎಂಬುದಕ್ಕೆ ನನಗೆ ಗೊತ್ತಿಲ್ಲ. ಅದು ಸಾಮಾನ್ಯ ವ್ಯಕ್ತಿ ಇರಲಿ,ಮಾಜಿ ಶಾಸಕರೇ ಇರಲಿ ಇಲ್ಲಿ
ಆತನ ಹುದ್ದೆ,ಪ್ರಭಾವ ಮುಖ್ಯ ಅಲ್ಲ.
ರಾಜಕೀಯ ವಿಚಾರವಿದ್ದರೆ ಅದು ಸರಿಯಲ್ಲ ಎಂಬ ಅಭಿಪ್ರಾಯ ನನ್ನದು ಎಂದು ಹೇಳಿದ್ದಾರೆ.

ವೀಲ್ ಚೆಯರ್ ಕೊಡುಗೆ ನೀಡಿ ಹುಟ್ಟು ಹಬ್ಬ ಆಚರಿಸಿದ ಕೆ.ರವೀಂದ್ರ ಶೆಟ್ಟಿ ಉಳಿದೊಟ್ಟು

ಉಳ್ಳಾಲ(22ಅ/2020): ಅಪಘಾತದಲ್ಲಿ ಬೆನ್ನು ಮೂಳೆ ಮುರಿತಕ್ಕೊಳಗಾಗಿ ಹಾಸಿಗೆ ಹಿಡಿದಿರುವ ಹರೇಕಳ ಗ್ರಾಮದ ಬಾವಳಿ ಗುರಿ ನಿವಾಸಿ ರಿತೇಶ್ ಶೆಟ್ಟಿ(18) ಮತ್ತು ಮಂಡಿ ನೋವಿನಿಂದ ಬಳಲುತ್ತಿರುವ ಬೋಳಿಯಾರ್ ಗ್ರಾಮದ ಧರ್ಮ ನಗರ,ನೀರೊಳ್ಬೆ ನಿವಾಸಿ ಕೃಷಿಕರಾದ ಗಂಗಯ್ಯ ಪೂಜಾರಿ (80)ಯವರಿಗೆ ಬಿಜೆಪಿ ರಾಜ್ಯಕಾರ್ಯಕಾರಿಣಿ ಸದಸ್ಯರೂ,ಸಮಾಜ ಸೇವಕರಾದ ಕೆ.ರವೀಂದ್ರ ಶೆಟ್ಟಿ ಉಳಿದೊಟ್ಟು ಅವರು ವೀಲ್ ಚೆಯರ್ ಗಳನ್ನು ನೀಡುವುದರ ಮೂಲಕ ತಮ್ಮ ಹುಟ್ಟು ಹಬ್ಬವನ್ನು ಅರ್ಥಪೂರ್ಣವಾಗಿ ಆಚರಿಸಿದರು.
ಕೊರೊನ ಸಂಕಷ್ಟದ ಸಂಧರ್ಭದಲ್ಲೂ ಬಡವರು,ಅಶಕ್ತರ ಬಗ್ಗೆ ಕಾಳಜಿಯ ಸೇವೆಗೆ ಸಾರ್ವಜನಿಕ ಶ್ಲಾಘನೆಗೆ ಪಾತ್ರರಾದರು.

ಉಡುಪಿ ಜಿಲ್ಲಾ ಬಿಲ್ಲವ ಯುವ ವೇದಿಕೆಯಿಂದ ದಿ.ಜಯ ಸಿ ಸುವರ್ಣರಿಗೆ ಶ್ರಧ್ಧಾಂಜಲಿ

ಉಡುಪಿ(21ಅ/2020): ವಿಶ್ವ ಬಿಲ್ಲವರ ಏಕತೆಯ ಪ್ರತೀಕವಾಗಿ, ದಕ್ಷ ಸಂಘಟನೆಯ ನೇತೃತ್ವವನ್ನು ನೀಡಿದವರು.ಬಿಲ್ಲವ ಸಮಾಜ ಸುಧಾರಣೆಗೆ ಅವಿರತ ಶ್ರಮಿಸಿದರು.ಕುಲಗುರು ಬ್ರಹ್ಮಶ್ರೀ ನಾರಾಯಣ ಗುರುಗಳ ಪ್ರೇರಣೆ, ಕುಲದೇವರಾದ ಕೋಟಿಚೆನ್ನಯರ ಅನುಗ್ರಹದಿಂದ ಸಮಾಜದ ಅಭಿವೃದ್ಧಿಯ ಕನಸುಗಳನ್ನು ಸಾಕಾರಗೊಳಿಸಿದವರು ದಿವಂಗತ ಶ್ರೀ ಜಯ ಸಿ ಸುವರ್ಣರು.
ಧಾರ್ಮಿಕ, ಸಾಮಾಜಿಕ,ಆರ್ಥಿಕ ಹೀಗೆ ಅನೇಕ ಸಮಾಜಮುಖಿ ಸಂಸ್ಥೆಗಳ ರೂವಾರಿಯೆನಿಸಿದವರು.ತಾಳ್ಮೆಯ ಸಾಕಾರಮೂರ್ತಿಯಾಗಿ ಸಾಮಾಜಿಕ ನ್ಯಾಯಕ್ಕೆ ಹೆಚ್ಚು ಆದ್ಯತೆ ನೀಡುತ್ತಿದ್ದ ಗೌರವಾನ್ವಿತ ಜಯ ಸಿ ಸುವರ್ಣರು ದೈವಾಧೀನರಾಗಿರುವುದು ದುಃಖದ ಸಂಗತಿ.ಅವರು ತೋರಿಸಿದ ಸಾಮಾಜಿಕ ಏಳ್ಗೆಯ ಹಾದಿಯಲ್ಲಿ ನಾವೆಲ್ಲರೂ ಮುನ್ನೆಡೆಯೋಣ.ಬಿಲ್ಲವರ ಒಗ್ಗಟ್ಟಿಗೆ ಜಯ ಸಿ ಸುವರ್ಣರ ಆದರ್ಶಗಳು ಮಾದರಿಯಾಗಲಿ.
ಅವರ ಕುಟುಂಬಕ್ಕೆ ದುಃಖವನ್ನು ಸಹಿಸುವ ಶಕ್ತಿಯನ್ನು ನೀಡಲೆಂದು ಹಾಗೂ ಅಗಲಿದ
ಪುಣ್ಯಾತ್ಮಕ್ಕೆ ಸ್ವರ್ಗಪ್ರಾಪ್ತಿಯನ್ನು ಭಗವಂತನಲ್ಲಿ ಪ್ರಾರ್ಥಿಸಿರುತ್ತಾರೆ.
ಉಡುಪಿ ಜಿಲ್ಲಾ ಬಿಲ್ಲವ ಯುವ ವೇದಿಕೆಯ ಗೌರವಾಧ್ಯಕ್ಷರಾದ ಶ್ರೀ ದಿವಾಕರ್ ಎಂ ಸನಿಲ್ ಹಾಗೂ ಜಿಲ್ಲಾಧ್ಯಕ್ಷರಾದ ಪ್ರವೀಣ್ ಎಂ ಪೂಜಾರಿ ಮತ್ತು ಸರ್ವಸದಸ್ಯರ ವತಿಯಿಂದ ಭಾವಪೂರ್ಣ ಶ್ರದ್ಧಾಂಜಲಿಯನ್ನು ಸಮರ್ಪಿಸಿರುತ್ತಾರೆ.

ಭಜರಂಗದಳ ಕಾರ್ಯಚರಣೆ:ಹಾಲಿನ ವಾಹನದಲ್ಲಿ ದನದ ಮಾಂಸ ಪತ್ತೆ

ಮಂಗಳೂರು(13ಅ/2020): ಬಜರಂಗ ದಳದ ಕಾರ್ಯಕರ್ತರು ಮಂಗಳವಾರ ಬೆಳಿಗ್ಗೆ ಕಾರ್ಯಚರಣೆ ನಡೆಸಿದ್ದು ಸಂದರ್ಭ ಹಾಲಿನ ವಾಹನದಲ್ಲಿ ಅಕ್ರಮವಾಗಿ ಗೋ ಮಾಂಸ ಸಾಗಾಟ ಮಾಡುತ್ತಿದ್ದುದು ಪತ್ತೆಯಾಗಿದೆ.
ಹಾಲು ಸಾಗಾಟ ವಾಹನದಲ್ಲಿ ಗೋಮಾಂಸವನ್ನು ಅಕ್ರಮವಾಗಿ ಸಾಗಿಸಲಾಗುತ್ತಿದೆ ಎಂದು ತಿಳಿದು ಕಾರ್ಯಕರ್ತರು ವಾಹನವನ್ನು ಬೆನ್ನಟ್ಟಿ‌ದ್ದು ವೆನ್ಲಾಕ್ ಆಸ್ಪತ್ರೆಯ ಬಳಿ ತಡೆದು ಅದನ್ನು ಬಂದರ್‌ ಠಾಣೆಯ ಪೊಲೀಸರಿಗೆ ಹಸ್ತಾಂತರಿಸಿದರು.
ಅಕ್ರಮ ಗೋ ಮಾಂಸ ಸಾಗಾಟ ಮಾಡುತ್ತಿದ್ದ ವಾಹನವನ್ನು ಬಜರಂಗದಳದ ಕಾರ್ಯಕರ್ತರು ಪಂಪ್‌ವೆಲ್‌ನಿಂದ ಬೆನ್ನಟ್ಟಿದ್ದರು ಎಂದು ತಿಳಿದು ಬಂದಿದೆ.

ಜೈತುಳುನಾಡ್ ರಿ ಸಂಘಟನೆಯಿಂದ ತುಳು ಭವನಕ್ಕೆ ಭೇಟಿ

ಕಾಸರಗೋಡು(11/ಅ): ಜೈತುಳುನಾಡ್(ರಿ)ಕಾಸ್ರೋಡು ಘಟಕ ದ ಸದಸ್ಯರು ತಾರೀಕು 10-10-2020ರಂದು ತುಳು ಲಿಪಿಯ ಭೀಷ್ಮ ಶ್ರೀ ಪುಂಡೂರ್ ವೆಂಕಟರಾಜ ಪುಣಿಚಿತ್ತಾಯ ಇವರ ಜನ್ಮದಿನದಂದು ಕೇರಳ ತುಳು ಅಕಾಡೆಮಿಯ ಕಾರ್ಯಾಲಯ “ತುಳು ಭವನ” ಕ್ಕೆ ಭೇಟಿ ನೀಡಿದರು.

ಕೇರಳ ತುಳು ಅಕಾಡಮಿ ಯ ಅಧ್ಯಕ್ಷ ಶ್ರೀ ಉಮೇಶ್ ಸಾಲ್ಯಾನ್ ಇವರ ಉಪಸ್ತಿತಿಯಲ್ಲಿ ಕೇರಳ ತುಳು ಅಕಾಡೆಮಿಯ ಸದಸ್ಯೆರಾದ ಶ್ರೀ ಕುಂಜತ್ತೂರ್ ಬಾಲಕೃಷ್ಣ ಶೆಟ್ಟಿಗಾರ್ ಇವರು ಜೈತುಳುನಾಡ್ ರಿ ನ ತಂಡವನ್ನು “ತುಳುಭವನ” ಕ್ಕೆ ಸ್ವಾಗತಿಸಿದರು .‌

ಕೇರಳದಲ್ಲಿ ತುಳುಬಾಷೆಯನ್ನು ಅಧಿಕೃತ ಬಾಸೆಯಾಗಿ ಮಾಡಬೇಕು, ಕೇಂದ್ರ ಸರ್ಕಾರ ಜಾರಿಗೆ ತಂದಿರುವ ಐದನೇ ತರಗತಿಯ ವರೆಗೆ ಶಾಲೆಯಲ್ಲಿ ಪ್ರಾದೇಶಿಕ ಬಾಷೆಯಲ್ಲಿ ಅಥವಾ ಮಾತೃಭಾಷೆಯಲ್ಲಿ ಶಿಕ್ಷಣ ನೀಡಬೇಕು ಎಂಬ ಹೊಸ ಶಿಕ್ಷಣ ನೀತಿಯ ಪ್ರಕಾರ ಕೇರಳದಲ್ಲಿ ತುಳುಭಾಷಾ ಪ್ರದೇಶವಾದ ಕಾಸರಗೋಡು ಜಿಲ್ಲೆಯ ಶಾಲೆಗಳಲ್ಲಿ ತುಳುಭಾಷೆಯಲ್ಲಿ ವಿದ್ಯಾಭ್ಯಾಸ ನೀಡಬೇಕು ಹಾಗೂ ಜೈ ತುಳುನಾಡ್ ರಿ ಸಂಘಟನೆ ಯ ವತಿಯಿಂದ ಕಾಸರಗೋಡು ಜಿಲ್ಲೆಯಲ್ಲಿ ನಡೆಯುತ್ತಿರುವ ತುಳುಲಿಪಿತರಗತಿಯಲ್ಲಿ ತುಳು ಲಿಪಿ ಕಲಿತವರಿಗೆ ತುಳು ಅಕಾಡೆಮಿಯ ಹೆಸರಿನಲ್ಲಿ ಅಕಾಡೆಮಿಯಿಂದ ಪ್ರಮಾಣ ಪತ್ರ ನೀಡಬೇಕು . ಇಷ್ಟು ವಿಷಯಗಳನ್ನು ಮುಂದಿಟ್ಟುಕೊಂಡು ಸರಕಾರದ ಗಮನಕ್ಕೆ ತರಬೇಕು ಎಂಬ ಎರಡು ಮನವಿಪತ್ರಗಳನ್ನು ಜೈ ತುಳುನಾಡ್ ರಿ ಕಾಸರಗೋಡು ಘಟಕದ ದ ಗೌರವಾಧ್ಯಕ್ಷರಾದ ಉಮೇಶ್ ಶಿರಿಯಾ ಹಾಗೂ ಉಪಾಧ್ಯಕ್ಷರು ಹರಿಕಾಂತ್ ಇವರ ನೇತೃತ್ವದಲ್ಲಿ ಮಂಜೇಶ್ವರದ ಮತ್ತು ಮಾಜಿ ಶಾಸಕರಾದ ಸಿ ಯೆಚ್ ಕುಂಞಂಬುರವರ ನೇತೃತ್ವದಲ್ಲಿ ಶ್ರೀ ಉಮೇಶ್ ಸಾಲಿಯಾನ್ ಹಾಗೂ ಅಕಾಡಮಿ ಸದಸ್ಯರು ಶ್ರೀ ಬಾಲಕೃಷ್ಣ ಶೆಟ್ಟಿಗಾರ್ ಕುಂಜತ್ತೂರ್ ಇವರಿಗೆ ಹಸ್ತಾಂತರಿಸಲಾಯಿತು. ಈ ಸಂಧರ್ಭದಲ್ಲಿ ಈ ಎಲ್ಲಾ ಬೇಡಿಕೆಗಳನ್ನು ಸರಕಾದರ ಗಮನಕ್ಕೆ ನೀಡಿ ಪರಿಗಣಿಸುವುದಾಗಿ ಮಾಜಿ ಶಾಸಕ ಸಿ ಯೆಚ್ ಕುಂಞಂಬು ಸಂಘಟನೆಯ ಸದಸ್ಯರಿಗೆ ಬರವಸೆನ್ನಿತ್ತರು

ಕೇರಳ ತುಳು ಅಕಾಡೆಮಿಯನ್ನುದ್ದೇಶಿಸಿ ಮಾತಾಡಿದ ಶ್ರೀ ಬಾಲಕೃಷ್ಣ ಶೆಟ್ಟಿಗಾರ್ ಇವರು ಈಗಿನ ಕೊರೊನಾ ಸಾಂಕ್ರಾಮಿಕ ಕಾಲದ ಸಮಸ್ಯೆಯಿಂದ ಹೆಚ್ಚಿನ ಚಟುವಟಿಕೆಗಳನ್ನು ನಡೆಸಲು ಕಷ್ಟ ಆದರೂ ಮುಂದಿನ ದಿನಗಳಲ್ಲಿ ಜೈತುಳುನಾಡ್ ಸಂಘಟನೆಯೊಂದಿಗೆ ಇನ್ನಷ್ಟು ಕಾರ್ಯಕ್ರಮಗಳನ್ನು ಆಯೋಜನೆ ಮಾಡಿ ಮುಂದುವರಿಯುವ ಭರವಸೆಯ ಮಾತುಗಳನ್ನಾಡಿದರು. ತುಳುಭವನದ ಪರಿಚಯ, ಒಳಗಿನ ವೆಂಕಟರಾಜ ಪುಣಿಚಿತ್ತಾಯೆರ ಹೆಸರಿನಲ್ಲಿರುವ ಗ್ರಂಥಾಲಯವನ್ನು ಪರಿಚಯಿಸಿದರು . ತುಳು ಅಕಾಡೆಮಿಯ ವತಿಯಿಂದ ಮೂರು ತಿಂಗಳಿಗೊಮ್ಮೆ ಪ್ರಕಟವಾಗುವ “ತೆಂಬರೆ” ತುಳುಪತ್ರಿಕೆಯನ್ನು ಜೈತುಳುನಾಡ್ ಸಂಘಟನೆಯ ಸದಸ್ಯೆರಿಗೆ ವಿತರಿಸಿದರು .

ಸಾಹಿತಿ ಅಮೃತ ಸೋಮೇಶ್ವರವರಿಗೆ ಬಾಲವನ ಪ್ರಶಸ್ತಿ 2020

ಉಳ್ಳಾಲ(11/ಅ): ಕನ್ನಡ ಸಂಸ್ಕೃತಿ ಇಲಾಖೆ, ದ.ಕ, ಡಾ. ಶಿವರಾಮ ಕಾರಂತ ಬಾಲವನ ಪುತ್ತೂರು, ಸಹಾಯಕ ಆಯುಕ್ತರ ಕಛೇರಿ ಪುತ್ತೂರು ಇದರ ವತಿಯಿಂದ ಕೋಟ ಶಿವರಾಮ ಕಾರಂತರ ಜನುಮದಿನಾಚರಣೆಗೆ ಕೊಡಮಾಡುವ ಈ ವರ್ಷದ ಬಾಲವನ ಪ್ರಶಸ್ತಿ 2020ಯನ್ನು ಹಿರಿಯ ಸಾಹಿತಿ ಅಮೃತ ಸೋಮೇಶ್ವರರವರಿಗೆ ಅವರ ಸ್ವಗೃಹ ಒಲುಮೆಯಲ್ಲಿ ಜಿಲ್ಲಾ ಉಸ್ತುವಾರಿ ಸಚಿವರಾದ ಕೋಟ ಶ್ರೀನಿವಾಸ ಪೂಜಾರಿ ಪ್ರದಾನಿಸಿದರು.
ಈ ಸಂದರ್ಬದಲ್ಲಿ ಪುತ್ತೂರು ಶಾಸಕರಾದ ಸಂಜೀವ ಮಠಂದೂರು, ಉಳ್ಳಾಲ ಶಾಸಕರಾದ ಯು.ಟಿ.ಖಾದರ್, ಬಿಜೆಪಿ ಮಂಡಲಾಧ್ಯಕ್ಷ ಚಂದ್ರಹಾಸ್ ಪಂಡಿತ್ ಹೌಸ್, ಜಿಲ್ಲಾ ಉಪಾಧ್ಯಕ್ಷ ಸಂತೋಷ್ ಕುಮಾರ್ ರೈ ಬೋಳಿಯಾರ್, ಕಾರ್ಯದರ್ಶಿ ಸತೀಶ್ ಕುಂಪಲ, ಮಹಿಳಾ ಮೋರ್ಚ ಜಿಲ್ಲಾಧ್ಯಕ್ಷೆ ಧನಲಕ್ಷ್ಮಿ ಗಟ್ಟಿ, ಸಹಾಯಕ ಆಯುಕ್ತ ಯತೀಶ್ ಉಳ್ಳಾಲ್, ಮಂಡಲ ಕಾರ್ಯದರ್ಶಿಗಳಾದ ಹೇಮಂತ್ ಶೆಟ್ಟಿ, ನವೀನ್ ಪಾದಲ್ಪಾಡಿ, ತಾ.ಪಂ. ಸದಸ್ಯ ರವಿಶಂಕರ್ ಸೋಮೇಶ್ವರ, ದೇವದಾಸ್ ಕೊಲ್ಯ, ಪುರುಷೋತ್ತಮ ಕಲ್ಲಾಪು, ಪ್ರವೀಣ್.ಎಸ್.ಕುಂಪಲ ಮತ್ತು ಅಪಾರ ಅಭಿಮಾನಿಗಳು ಇದ್ದರು.

ವೈ.ಯು.ಯಶಸ್ವಿ ಆಚಾರ್ಯ ಕಾಪು ಇವರಿಗೆ “ಸರಸ್ವತಿ ಪುರಸ್ಕಾರ”-ರಾಜ್ಯ ಪ್ರಶಸ್ತಿ

ಕಾಪು(6ಒ/2020): ಉಡುಪಿ ಜಿಲ್ಲೆ ಕಾಪು ತಾಲೂಕು ಕಲ್ಯಾದ ಉಮೇಶ ಆಚಾರ್ಯ, ಶೀಲಾವತಿ ಆಚಾರ್ಯ ದಂಪತಿ ಪುತ್ರಿಯಾದ ವೈ.ಯು. ಯಶಸ್ವಿ ಆಚಾರ್ಯ ಅವರಿಗೆ 2019-20ನೇ ಸಾಲಿನ ಎಸೆಸ್ಸೆಲ್ಸಿ ಪರೀಕ್ಷೆಯಲ್ಲಿ 614(ಶೇ.98.24) ಆಂಕ ಪಡೆದಿರುವ ಇವರ ಶೈಕ್ಷಣಿಕ ಸಾಧನೆಯನ್ನು ಗುರುತಿಸಿ ಶ್ರೀಮತಿ ಸರಸ್ವತಿ ದಾಸಪ್ಪ ಶೆಣೈ ಪ್ರತಿಷ್ಠಾನ ದಾವಣಗೆರೆ-ಸಾಲಿಗ್ರಾಮ ಅವರು ನೀಡಲ್ಪಡುವ ಸರಸ್ವತಿ ಪುರಸ್ಕಾರ ರಾಜ್ಯ ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ.
ಕಾಪು ಉಳಿಯಾರಗೋಳಿ ದಂಡತೀರ್ಥ ಇಂಗ್ಲೀಷ್ ಮೀಡಿಯಂ ಸ್ಕೂಲ್ ವಿದ್ಯಾರ್ಥಿನಿಯಾಗಿರುವ ವೈ.ಯು. ಯಶಸ್ವಿ ಭರತನಾಟ್ಯ ಪ್ರವೀಣೆಯಾಗಿದ್ದು, ಸಾಂಸ್ಕøತಿಕ, ಕ್ರೀಡಾ, ಶೈಕ್ಷಣಿಕ ರಂಗದ ಸಾಧಕಿಯಾಗಿದ್ದು, ಯಾವುದೇ ಕೋಚಿಂಗ್ ಪಡೆದುಕೊಳ್ಳದೆ ಸ್ವತಃ ಅಭ್ಯಸಿಸಿ ಎಸೆಸ್ಸೆಲ್ಸಿಯಲ್ಲಿ ಸಾಧಕಿಯಗಿದ್ದಾಳೆ. ರಿಯಾದ್ ಇಂಟರ್ ನ್ಯಾಷನಲ್ ಇಂಡಿಯನ್ ಸ್ಕೂಲ್‍ನಲ್ಲಿ ಕ್ಲೇ ಮಾಡೆಲಿಂಗ್, ಇಂಟರ್‍ನ್ಯಾಷನಲ್ ಚಿಂತನಾ ಡ್ರಾಯಿಂಗ್‍ನಲ್ಲಿ ಪ್ರಥಮ ಪ್ರಶಸ್ತಿಗಳನ್ನು ಗಳಿಸಿಕೊಂಡಿದ್ದ ಈಕೆ ಬಹುಮುಖ ಪ್ರತಿಭಾನ್ವಿತೆಯಾಗಿದ್ದಾಳೆ.
ಕನ್ನಡ ರಾಜ್ಯೋತ್ಸವದಂದು ದಾವಣಗೆರೆಯ ಶ್ರೀ ಸಿದ್ಧಗಂಗಾ ವಿದ್ಯಾಸಂಸ್ಥೆಯ ಆವರಣದಲ್ಲಿ ವೈ.ಯು. ಯಶಸ್ವಿ ಆವರಿಗೆ ಕಿರೀಟವಿಟ್ಟು, ಪುಷ್ಪವೃಷ್ಟಿಯೊಂದಿಗೆ, ಮೆಡಲ್, ಸ್ಮರಣಿಕೆ, ಪ್ರಶಸ್ತಿ ಪತ್ರದೊಂದಿಗೆ ಈ ಪ್ರಶಸ್ತಿ ಪ್ರಧಾನ ನಡೆಯಲಿದೆ.

Related Post